Connect with us

HARKAR TSARO

Da Ɗumi Ɗuminta: Aliyu Muhammad Tukur Binkola shine sabon mai magana da yawun Shugaban ƙungiyar Maharba ta ƙasa

Published

on

Da Ɗumi Ɗuminta: Aliyu Muhammad Tukur Binkola shine sabon mai magana da yawun Shugaban ƙungiyar Maharba ta ƙasa

 

A yau Jumma’a 14 ga watan Janairu Mai girma Shugaban ƙungiyar Maharba ta ƙasa ya amince da naɗa Aliyu Muhammad Tukur Binkola a matsayin mai magana da yuwunshi kan abinda ya shafi sha’anin ayyukan Maharba dake Nigeria baki ɗaya.

Baba Tola ya naɗa Aliyu Binkola ne dan maye gurbin marigayi Ibrahim Abdul-Aziz na Muryar Amurka wanda ke da wannan matsayin a lokacin da yake raye.

Baya ga ƙarin jajanta wa iyalan Marigayin ya kuma sake amincewa da baiwa Aliyu Muhammad Tukur Binkola wannan matsayi na mai magana da Nyawunshi wato Cheif Press Sacatary Kenan a turance.

Aliyu Muhammad ya zama mai magana da Nyawun Shugaban ne bayaga irin rawar da yake takawa a kan ayyuka na sha’anin yaɗa labarai, wanda a yanzu haka shine wakilin gidan Talabijin na Farin Wata TV, a jahohinnan biyu wato Adamawa da Taraba da kuma Vision FM Nigeria har’ila yau dai shina mai mallakar kafar dake yaɗa labaranta a kan yanar gizo wato Voice of Arewa VOA mai adireshin www.voiceofarewa.ng

Aliyu dai yayi ayyuka a kafen yaɗa labarai da dama a jahar Adamawa da wasu jahohi na Arewacin Nigeriya wanda har yanzu kuwa yana kan wannan aikin.

Har zuwa yanzu da Allah ya bashi damar zama mai magana da Nyawun Shugaban ƙungiyar maharba ta ƙasa Alh. Muhammadu Usman Tola (Baba Tola).

To saidai wannan muƙamin na zuwa ne a daidai lokacinda ake fama da matsala kan harkokin tsaro a faɗin ƙasar bakiɗaya wadda kuwa jami’an tsaro na yin haɗin guiwa da ƴan sa kai ta maharba dan kawo ƙarshen waɗannan fitintinun.

Wannan na zama tambaya ta farko da wakilin mu ya yiwa sabon mai Magana da yawun Shugaban ƙungiyar maharban.

To sai da Aliyu yace “wannan shine babban abun da zasu maida hankali akai kasancewar tsaro dai ta kowace amma tun da Allah ya basu hakkin taimakawa al’umma za suyi duk wata mai yiwuwa wajen ganin sun sauƙe nauyin da Allah ya ɗora musu.

“kuma akwai buƙatar Gwamanti ta ƙara mai da hankali kan waɗannan ƴan sa kai ta Maharba da ta Amin ce su taimakawa harkokin tsaro a ƙasar, sannan Gwamantin ta ƙara dubasu da kayan aiki da kuma abinda za’a sarrafa rayuwa da ita.

“Kuma muna ƙara kira ga maharba da su san cewa duk abinda za suyi kada su kuskura su ɗauki doka a hannun kuma su guji shiga abinda bai shafesu ba, domin mu Maharba Mutane ne masu ɗa’a da kuma bin doka da oda.

“kuma muna ƙira ga maharba idan akwai abinda ya shige musu duhu to kada suyi aiki cikin duhu su tuntuɓi shuwagabanninsu don warware matsalar.

“ Sannan muna kira da Kwamishinan ƴan sanda na jahar Adamawa akwai Maharba kusan tara da jami’an tsaro suka kama bisa zarginsu da aikata wasu laifuka, muna roƙon a tsananta bincike da kuma adalci a kansu tareda hukuntasu kamar yadda dokar ƙasa ta bada umarni”.

Daga bisani Sabon mai magana da Nyawun shugaban Maharban Najeriyan Aliyu Muhammad Tukur Binkola, ya yi fatan Allah ya ƙara wa Najeriya zaman lafiya da kwanciyar hankali.

HARKAR TSARO

Kotun koli ta baiwa Amerkawa damar riƙe bindiga dan kare kai

Published

on

By

Kotun koli a Amirka ta zartas da hukuncin bai wa jama’a izinin yawo da bindiga don kare kai a sabanin kiran da aka yi na tsaurara dokokin mallakar bindiga.
Kotun Koli a Amirka ta zartas da hukuncin bai wa jama’a da shekarunsu na mallakar bindiga ya kai, izinin yawo da bindiga don kare kansu sabanin kiraye-kirayen neman an takaita hakkin mallakar bindiga a kasar.

Ma’aikatar da ke kula da ‘yancin masu mallakar makamai ta yaba da hukuncin da ya kawo karshen dambarwar da ta barke kan takaita hakkin mallakar makamai a baya-bayan nan a cikin kasar. Kawo yanzu ana da akalla bindigogi miliyan casa’in da ke yawo a hannun Amirkawa. Tuni Shugaba Joe Biden ya baiyana takaici kan hukuncin kotun.

Dambarwar ta barke a baya-bayan nan a kasar kan takaita amfani da bindiga a sakamakon yawan harbin kan mai uwa da wabi da suka yi sanadiyar salwantar rayuka a sassan kasar. Rahotanni sun gano cewa, an fi samun asarar rayuka ta hanyar amfani da bindigogi a Amirka fiye da rayukan da ke salwanta a tsakanin sojojin kasar da ke a fagen daga koma hatsarin mota da sauran iftala’i.

Continue Reading

HARKAR TSARO

Yadda Al’umar Ibbi suka yi nasara kan masu garkuwa da mutane

Published

on

Daga Lado Salisu Muhammad Garba 

Alumma mazauna yankin sarkin kudu
dake karamar hukumar Ibbi a jihar Taraba, sunyi fito na fito da masu garkuwa da mutane har suka kashe biyu daga chikin masu garkuwan.

Wani mazaunin yankin da abin ya faru da ya bukachi a sakaye sunansa, ya bayyana mana cewa, “masu garkuwan sun bukachi da wani daya basu kudi naira dubu dari shida domin su saka katin Waya, don su rinka kiranshi kafinsu zo karbar miliyan biyar amatsayin kudin fansa, su kuwa mazauna yakin suka hada Kai suka kuwa yi musu Kofar rago har su kayi nasarar kashe yan garkuwan biyu a wannan fito na fiton, a wannan yankin.

Rundunar ‘Yan sandan jihar Taraba sun tabbatar da aukuwar lamarin ta bakin mai magana da Nyawun rondunar yan sandan jihar DSP, Usman Abdullahi, gawarwakin masu garkuwan da hukumar yansadan suka je daukowa ma har sun fara lalachiwa.

Alhaji Alhassan Hamman Gassol kwamishinan riko na ma’aikar yada labarai a jihar Taraba, wanda yace gwamnatin jihar ta ma fara tataunawa da masarautun gargajiya na jihar musamman kananan hukumominda lamarin yayi kamari a jihar Taraban gabadaya domin ganin an shawo kan mastalar rashin staron da ya addabi jihar.

Continue Reading

HARKAR TSARO

TARO KARO NA 17 MAI TAKEN MASU TA’ANNATI DA KAFAFEN YAƊA LABARAI NA ZAMI MAI ALAƘA DA FARAR HULA DA SOJI

Published

on

TARO KARO NA 17 MAI TAKEN MASU TA’ANNATI DA KAFAFEN YAƊA LABARAI NA ZAMI MAI ALAƘA DA FARAR HULA DA SOJI

 

Taron ƙarawa juna sani na kwana ɗaya da haɗin gwiwar Rundunar Sojoji ta ƙasa ɓangaren masu hulɗa da farar Hula, tareda ƙungiyar Security Affairs Limited, wanda aka gudanar a ranar Laraba 25/01/22 a Otal din City Green dake ƴola jahar Adamawa.

Jigon Taron shine: Imperatives of Non-kinetic line of Operations in Asymmetric Warfare, wand babban hafsan soji mai hulɗa da jama’a na sojan Najeriya Manjo Janar MG Kangye ne ya jagoranci taron ƙarawa juna sanin.

A cikin jawabinsa, Kangye ya jaddada bukatar samar da kyakykyawan alaƙa tsakanin farar hula da Sojoji wajen tunkarar makiyinmu ɗaya, wato rashin tsaro.

A yayin ƙaddamar da takarda ta ɗaya wanda Maj. Gen. Eap. Undiandeye, psc plsc fdc ICTF DSS MASSS Msc fcm Fcai, Director Psychological Warfare Defense Headquarters, ya ƙaddamar ya nuna bukatar ƴan Jaridu, ƙugiyoyin siyasa da sauran masu ta’ammali da kafafen yaɗa labarai na zamani (social media) su kasance masu tantance labari dakuma sanin sahihacin labari kafin yaɗawa.

Sannan ya nuna irin illa da ka iya faruwa idan har aka yi amfani da kafofin ba bisa yadda ya dace ba, yace “ko wannan zanga-zangar ta neman kawar da rundunar SARS wadda ta jawo babbar naƙaso ga Najeriya ma ta (Social Media) aka somata, sabida haka mu zamo masu haƙuri da amfani da kafafen yadda ya kamata cikin ili.”

Mai gabatar da takarda na biyu Dokta Lanre Adebayo ya bayyana irin rawar da kafafen sadarwar zamani ke takawa, wadda suka haɗa da samar da zaman lafiya da kuma kare martabar Najeriya ta hanyar baiwa Jami’an tsaro sahihan bayanan da ake buƙata, musamman na Sojoji.

Yakuma ce “Sojoji da ƴan Jaridu su kasance masu haƙuri da juna domin samar da mafita ga ƙasar, sabida abinda ka shuka shi zaka girɓa.”

Taron ya samu halartar Masu Ta’ammali da kafafen yaɗa labarai na zamani (Social Media) da ƴan Jaridu da Sarakunan Gargajiya da Ƙungiyoyin fararen hula dadai sauransu.

Kanwa uwar gami wanda shine Ummul’abaisa na gudanar taron, Amb. Austin Peacemaker shugaban ƙungiyar  Security Affairs Limited,  shi ya kasance mutum na ƙarshe da yayi jawabi, inda ya godewa mahalarta taron da nuna buƙatar al’umma su zamu masu kishin ƙasa.

A ƙarshe, an karrama mahalarta taron da takardar shaidar halarta, da wata ihsani domin rakiya.

Continue Reading

BABBAN LABARI

Copyright © 2020 VOA voiceofarewa.ng