Sakamakon ta’addancin kungiyar Boko Haram, mutane miliyan 7 ne ke bukatar taimakon jin kai a arewa maso-gabashin Najeriya.
Kamfanin dillancin labarai na Najeriya (NAN) ya rawaito Mai Bawa Shugaban Kasa Shawara Kan Sha’anin Tsaro Babagana Monguno na jawabi a wajen Karo na Biyu na Taron Hukumomin Yaki Ta’addanci a Kasashe Mambobin Majalisar Dinkin Duniya da aka gudanar.

A jawabin nasa, Monguno ya shaida cewa, ta’addanci na ci gaba da yin barazana ga duniya ba tare da nuna bambancin kasa, launin fata, yare ko addini ba.

Monguno ya kara da cewa, ta’addanci a lokacin hadewar duniya waje guda ya zama wani babban makami da ake amfani da shi ga wasu mutane, kuma a yanzu akwai mutane miliyan 7 da ke bukatar taimakon jin kai a arewa maso-gabashin Najeriya.

Ya ce, “Baya da annoba, ibtila’o’i da sauyin yanayi, ta’addanci ne babban makiyin dan adam da ke yi masa barazanar wanzuwa.”

Rahotun TRT

Tun da hukumar jarrabawa ta Jamb ta fitar da sakamakon jarrabawa labari ya chanja. Mafi yawa daga cikin yara sun fadi. Gaskiyar magana shine yaran yanzu ko kadan hankalin su baya kan karatu, da dama daga cikin su. Wannan kuma yana faruwa ne sakamakon shigowan kafafen sadarwa na zamani irin su Tiktok, Snapchat, Instagram da dai makamantan su.

Wadannan kafafen sadarwa ba komai suke yi ba illa kara rudar da yaran mu da kannen mu. Ka dauki Tiktok Misali; App ne da yake bada dama ga yaro ko yarinya su dinga tikar rawa suna recording din kan su yanda suke so. Idan ka bude Tiktok yanzu zaka ga yarinya da himar tana kwasar rawa, kaga namiji ya zage yana kwaiwayar muryar mace kaman dan daudu, ko ya dinga rawa, kaga yarinya tana rawa a cikin gidan su na mutunci alhalin wakan da take rawar sa bata ma san me ake fada ba, sannan ta bude shi ta aika zuwa ga duniya kowa ya gani yace ta iya.

Snapchat da Instagram duka kafafe ne da yanzu yara ke amfani dashi wajen gasa na karya, da nuna abun hannu ko da kuwa gidan su babu. Da dama yanzu zaka samu yarinya akan ta samu followers a instagram ba kalar ashararanci da ba zata yi ba. Zata bankare bayan ta, ta turo kirjin ta, ta yi duk wani salo na nuna tsarin jikin ta don ta samu followers. Idan kuma ta samu wadannan followers, abu na gaba shine ta cigaba da yi musu hotuna don su gani su yaba kyan ta ko surar jikin ta.

Muna cikin lokaci mafi hatsari, wadannan kafafen sadarwa yanzu sune a kwakwalwar yaran mu da kanne mu. Karatu ko kadan baya gaban da yawa daga cikin su illa kalilan wadanda Allah ya tseratar.

Saboda haka iyaye ku tashi tsaye, ku san me yaran ku suke yi da wayoyin da kuke saya musu don suyi karatu. Kada ku bari social media ya halaka yaran ku alhalin kuna da ikon hanawa.

Mahmud Isa Yola

Wannan ita ce Addu’ar tsohon hadimin Gwamnan jahar Kano Hon. Salihu Tanko Yakasai, yayi a safiyar Jumma’a Allah ka’amsamana.

Ya wallafa a shafin sa na sada zumunta na facebook

Alhamdulilah Ya Allah! Ya Allah Ka kara mana kaifin basira, Ya Rabbi Ka kara mana ilimi mai amfani kuma Ka ba mu ikon aiki da shi. Ya Raheem Ka dauwamar da mu a tafarkin Ka, Ya Allah Ka haskaka mana hanyar mu, Ka sharey mana duk wata matsala a rayuwar mu, Ka warware mana duk wani abinda yake addabar mu, Ka kare mu daga sharrin ma su sharri, Ka tsarkake mana zuciyar mu da tunanin mu. Alfarmar Annabi Muhammadu SAW, da Alqurani Mai Girma. Amin Ya Rabbi. Barka da jumaah yan’uwa Musulmi.

Salihu Tanko Yakasai (Dawisu)
Masoyin Kano da Arewa da Najeriya.