Connect with us

BABBAN LABARI

NEMAN MAFITA: IN DA GASKE YAN AREWA SUKE YI DAMUN SAMU GAGARUMAR NASARA DA SAUYI AKAN HALIN DA MUKE CIKI.

Published

on

Abu Sadiq Al’Nigeria: National Chairman Arewa Youths Concern Media Forum (AYCMF)

Shawara mai muhimmaci ga yan uwana yan Arewa bisa halin rashin tabbas da muka tsinci kanmu a ciki dumu dumu. halin da yankin mu da al’ummar mu suke ciki ba abune da zamuci gaba da nade hannaye muna gani yana cigaba da faruwa batare da motsawa domin kawo sauyi bane.

Inka tsaya ka karewa abunda yake faruwa a arewa kallo daka fahimci ba sauyin shugaban kasa ko wata Jam’iya bane maganin matsalar. matsalar babba ce tawuce karamin tunanin mu. yadda ruwa yake cigaba da cinyemu kullum al’amarin babu sauki sai karuwa in mukayi sake muka tsaya surutai da saka siyasar son zuciya a dukkan al’amuran mu tofa yan bayan mu ma baza su tsira daga irin kaskancin da muke ciki ba a yanzu.

A yanzu mu yan arewa kaskantattu ne ko shakka babu wulakanci da tozarcin da dan arewa yake kallo a arewa da wajen arewa abun bakin ciki ne da tsoro da tashin hankali ga duk mai hankali da tunani. rashin tsaron da muke ciki munin sa wlh yafi karfin abunda muke bayyanawa a kafafen sadarwa. mutanen mu a yankuna dayawa suna cikin tashin hankali mai girman gaske karancin kishin mu ne yasa muke ganin kaman karamin abune yake faruwa. fitintinu suna cigaba da girma ba tare da meda hankali domin magance su ba tun kafin kowa ya rasa madogara.

Wasu abubuwan bazasu bayyanu a rubutu ba sai dai muyi Kukan Kurciya masu hankalin cikin mu su hankalta susan lalle al’ummar mu tana cikin tashin hankali da rashin alkibila.

SHAWARA: Mataki mafi sauki da zamu fara dauka a dede wannan lokacin da ake daf da ayi zabe asamu sauyin gwamnati lalle ya kamata muyi takatsantsan muyi aiki da hankali muyi siyasa mai tsafta mu cire son zuciya wajen zabo shuwagabannin da zasu mulke mu. mu sani zaben shuwagabanni yanada matukar muhimmaci ayi aiki da hankali kafin yin sa domin duk rayuwar mu a karkashin shugabanci take tafiya.

In muka tsaya bangar siyasa a zahiri da a kafafen sadarwa bamu hankalta ba. lalle damu kara zabo baragurbin shuwagabanni irin wanda suke shugabancin mu a yanzu. wanda da aci gaba da tozartamu batare da abun ya dame su ba. muhimmacin zabe da tasirin sa yafi karfin a fifita son zuciya a cikin sa domin da nagartaccen shugabanci da asamu adalci da adalci ake samun zaman lfy da aminci a tsakanin al’umma. sai an samu zaman lfy da aminci kafin a fara maganar ci gaba ko more rayuwa. yanzu mu ba maganar more rayuwa ake ba maganar a samu zaman lfy da aminci a tsakanin mu ake

A yayin zabe muyi kokari mu duba cancanta da nagartar dan siyasa a kowacce Jam’iya a kowanne mataki. babu ruwan mu da la’akari da jam’iyar sa. in jam’iyun siyasa sukayi zabukan fidda gwani mu dukufa da nazari akan yan takarkarun da suka tsayar domin zabo mutanen kirki ba tare da wai sai sun raba mana motoci ko baburan hawa ba sannan mu bisu da addu’o’i.

In mukace sai wanda dasu raba mana motoci da babura da kudi damu zaba to lalle mu shirya ci gaba da rayuwar kaskanci a karkashin shugabancin su. Muyi kokarin cire son zuciya a harkar zaben shuwagabanni. domin halin da al’ummar arewa take ciki akwai rashin kyakkyawan shugabanci. da munada shugabanci baza a kashe sama da mutane 150 a rana daya bakaji kasar ta rikice an dimauce domin daukar mataki ba. wlh rashin nagartaccen shugabanci ne kawai yake kara rura wutar fitintinun da suke faruwa a Arewacin Nigeria.

Muyi kokarin samar da shugabanci nagari a yankin mu ta hanyar kakkabe gurbatattun yan siyasa wanda gazarwa su tafito fili babu rufa rufa. mu sauya su a dukkan matakai gwamna sanata rep duka babu maganar siyasar uban gida uban gidan ka in bai cancanta kayi kokarin saukakawa kanka da al’ummar da kake rayuwa a cikin ta ka zabo wanda ya cancanta.

#MuyiAikiDaHankali. Ataimaka atura wannan sakon gaba🙏
16/4/2023

Click to comment

Leave a Reply

Your email address will not be published. Required fields are marked *

BABBAN LABARI

Da Ɗumi Ɗumi: KOTUN DAUKAKA KARA ZAMAN FARKO.

Published

on

By

A gobe litinin 14 Nuwamba, 2022 kotun daukaka Kara da ke Jimeta zata fara sauraron Kara da ke gabanta na rashin amincewa da hukuncin kotun Tarayya da ta zartar da cewa Jam’iyar APC batada Dan Takara a sakamakon karar da Nuhu Ribadu ya shigar na kalubalantar nasarar Senator Aishatu Dahiru Ahmed Binani.

A gaban kotun dai tana da koke koke kamar haka:

Na farko: Nuhu ya daukaka Kara Yana kalubalantar hukuncin kotun Tarayya na Justice Abdulaziz Anka. Nuhun ya Nemi kotun Daukaka Kara da ta rushe zaben fidda gwanin Kuma ta haramtawa Senator Binani Takara kana ta umarci Jam’iyar APC ta kasa da gudanar da sabon zaben fidda gwanin.

Na Biyu: Uwar Jam’iyar APC ta kasa ita ma ta garzaya kotun ta na kalubalantar hukuncin kotun baya, inda ta ke rokon kotun daukaka Karar da cewa Babu dalilin Hana ta shiga zaben 2023 domin ta gudanar da zaben fidda gwanin Kuma Senator Binani ita ta lashe zaben. Hasalima uwar Jam’iyar APC ta kasa ta na Neman Alfarman kotun da tayi patali da karar da ke gaban ta na sake zabe ta tabbatar da Senator Binani a matsayin Yar takarar Gomnan ta a karkashin Jam’iyar.

Na uku: Senator Aishatu Binani ita ma ta garzaya kotun tana Mai shaidawa kotun cewa duk wasu sharuda na Takara ta cika. Kuma ta tseya Takaran kamar sauran Yan Takaran. Binani tana Neman kotun ta tabbatar da zabin Delegates da suka Bata Amanar kuri’u 430. Binani na Neman kotun daukaka Karar da tayi watsi da hukuncin Babban kotun Tarayya kuma ta tabbatar da zaben da akayi Wanda Allah ya Bata nasara.

Gobe dai za’a a aza d’amba a kotun daukaka Karar. Muna rokon Allah ya tabbatar da Alkhairi

Adamu Ibraheem Jimeta.
13th Nuwamba, 2022

Continue Reading

BABBAN LABARI

Buɗe kasuwar shanu a Gamborun Ngala yaja hankalin yan kasuwa Shanu a jahar Adamawa

Published

on

By

Gwamnatin jahar Borno dake Arewa maso gabashin Nijeriya ta buɗe wani babban kasuwar Shanu na garin Gamborun Ngala dake Maiduguri a jahar Borno

Dama dai an rufe kasuwar shanun ne tun a lokacin da Boko Haram ke cin karen su babu babba ka a yankunan Arewa maso gabashin Nijeriya sai dai cikin ikon Allah an samu sauƙin al’amarin hakan yasa Gwamnatin Jahar Barno tayi nazari ƙarƙashin Gwamna Baba gaana Umar Zulum

Ya maida hankali tare da samun nasara buɗe kasuwar duba da irin tallafawa al’umma jahar da kasuwar take yi yasa ya bude kasuwar a jiya kuma tafara haɗa jama’a daga buɗe kasuwar

To sai dai bude wannan kasuwar ya shafi manyan kasuwannin Shanu da ake taƙama da dasu a jahar Adamawa kama daga kasuwar Shanu ta garin Mubi dakuma na Ngurore, kasancewar manyan kasuwannin nada kyakkyawar alaƙa ta kasuwanci a tsakaninsu

Wanda akasari ma yan kasuwar shunu da sukayi hijira daga Maiduguri zuwa Adamawa yanzu haka dai sunfara ƙunshe kayan su dan komawa kasuwa Gamboru Ngala, inda suke tada motar shanu guda a kan kudin haraji Naira dubu huɗu 4000 sabanin dubu saba’in da Biyar 75.000 a jahar Adamawa

Bayan karin da aka samu na biyan kudin haraji kasuwar Dabbobi a jahar Adamawa daga Naira 200 zuwa 500 daga dari 500 kuma zuwa 5000 sai dai bayan samun yewan korafi daga gun yan kasuwar sai Gwamantin jahar ta maidashi Naira dubu uku 3000

Continue Reading

BABBAN LABARI

HUKUMAR JIN DADIN ALHAZAN NA JAHAR ADAMAWA TA MAIDAWA DUKKAN ALHAZAN DA SUKA BIYA KUDIN HAJJIN SU NA 2022 SAMA DA MILIYAN BIYU DA DUBU DARI BIYAR CHANJIN.

Published

on

By

A jiya Laraba 19/10/2022 Babban Sakataren Hukumar Jin Dadin Alhazan na Jahar Adamawa Mallam ABUBAKAR SALIHU ya mika takardun kudi na Draft da Cheque ga jami’an kula da aikin Hajji na kananan hukumomi 21 dake wannan.

Idan ba’a Manta ba,maniyatan na Jahar Adamawa wadanda sukayi aikin Hajjin 2022 wasu daga cikin su sun biya sama da Naira Miliyan biyu da dubu dari biyar wasu kuma sun biya daidai yadda Gwamnati ta baiyana kudin aikin Hajjin na 2022 wato sama da Miliyan biyu da dubu dari hudu.

Mallam ABUBAKAR SALIHU yace wadanda suka biya sama da Miliyan biyu da dubu dari biyar kadai za’a maidawa chanjin su da kuma wadanda basu samu zuwa aikin Hajjin ba,kuma suna bukatan Hukumar ta maida musu kudin su.

Shugaban Hukumar Mallam Bappari Umar Kem wanda shine ya jagoranci mika takardun kudi ga jami’an kula da aikin Hajji na kananan hukumomi dan su rabawa Alhazan ya kiraye su dasu tabbatar sun mika su ga dukkan Alhazan da suka tabbatar sun biya kudin aikin Hajjin su sama da Miliyan biyu da dubu dari biyar.

Shima dayake jawabin godiya Shugaban jami’an kula da aikin Hajji na kananan hukumomi 21 Alh Ya’u Gambo ya JINJINAWA SARKI TURAWA GURIN wato Babban Sakataren Hukumar Mallam ABUBAKAR SALIHU da irin namijin kokari da yayi na tabbatar da cewa ko wane Alhaji an mika mishi wannan takarda na Draft dan ya samu kudin shi a asusun bankin shi daidai.

Taron an gudanar dashi ne a Babban dakin taro na Hukumar Jin Dadin Alhazan na Jahar Adamawa indan dukkan Manyan jami’an Hukumar suka hallara tare da dukkan jami’an kula da aikin Hajji na kananan hukumomi 21 dake wannan jaha.

Continue Reading

BABBAN LABARI

Copyright © 2020 VOA voiceofarewa.ng